Këta fëmijë kanë një nivel inteligjence më të lartë se normalja, por ndonjëherë ne as që e kuptojmë që i kemi brenda shtëpisë tonë.
Ata zakonisht shikohen në kufijtë e një fëmije të zgjuar dhe kaq!
Si janë këta fëmijë?
Ata zakonisht shfaqin ide gjeniale, janë shumë kuriozë, dhe parapëlqejnë të vëzhgojnë gjithçka që ndodh përreth me shumë kujdes. Nëse niveli i inteligjencës do të ishte 100 për një fëmijë normal, tek disa me inteligjencë të lartë mund të shkojë në 125 dhe në rastet më ekstreme në 140 ose 150.
Ata zakonisht kanë tendencën të mbyllen në “rrethin” e tyre sepse duket se kanë interesa ndryshe nga të tjerët, madje veprojnë ndryshe. Duke qënë se këta shpesh mund të përjashtohen nga grupet shoqërore mund të bëhen edhe shumë të ndjeshëm. Por ndonjëherë janë vetë ata që parapëlqejnë të qëndrojnë vetë duke qënë se të tjerët ju duken pak interesantë.
Si funksionon arsimimi i tyre?
Në shumë vende të botës ka shkolla të posaçme, në të cilat njihen dhe vlerësohen aftësitë e tyre, ndiqet me vëmendje ecuria dhe favorizohet zhvillimi i mëtejshëm. Në vendin tonë këta fëmijë ende nuk kanë një institucion të posaçëm dhe kjo ndikon negativizht pasi ata rrezikojnë që të ndihen gjithmonë jo të vlerësuar në mënyrën e duhur.
E dini që?
Shpesh ata etiketohen si fëmijë me probleme mendore? Dhe ata janë tepër të rrëzikuar duke qënë se në shkollë nuk marrin stimujt e duhur, nuk kanë një motivim për të shfrytëzuar potencialin e tyre, dhe kështu shpesh e braktisin shkollën më herët. /pernenat.al
