Në periudha të caktuara gjatë zhvillimit fëmija fillon që të çojë inate dhe t’u kundërvihet të rriturve
Ato nuk janë situata të thjeshta për prindër, por ekspertët këshillojnë si mund t’ia dilni mbanë me vogëlushin e padëgjueshëm dhe kokëfortë.
Kur inatoset, mund t’i ndihmoni në atë mënyrë që ju vetë të mos krijoni më shumë nervozë dhe të mos thelloni konfliktin.
Për fillim kontrolloni edhe listën tuaj të rregullave dhe të ndalesave, transmeton Telegrafi.
Shpjegojani fëmijës shkurt dhe qartë çfarë saktësisht kërkoni nga ai, pa biseda të gjata.
Konsistenca është e rëndësishme në çdo gjë, pra edhe në marrëdhënien me më të vegjlit.
Asgjë më nuk mund ta hutojë se kur njëherë ta ngatërrojë nëse një herë i lejoni, pastaj e ndaloni.
Përqafojeni më shpesh fëmijën, ndërkaq në “fazat” e tij të qeta tregoni se sa e doni. Përkraheni në situatat kur përpiqet të jetë i pavarur dhe madje në shembuj konkretë.
Pa kurrfarë arsyetimesh, gjeni kohë për veprime të përbashkëta në të cilat fëmija dikton tempin.
Nëse ndieni që nuk jeni në gjendje t’u përmbaheni disa situatave, nuk është turp të kërkoni këshillë profesionale.
