Shkolla “Hamit Sejdiu” në Kërpimeh është ndoshta e vetmja shkollë në Kosovë që ua dedikon nga një shkrim mësimdhënësve të saj.
Sot ka prezantuar mësuesin Fehmi Sejdiu, i cili nisi punën në arsim nga viti 2010, dhe vazhdon të japë kontributin në edukimin e brezave, shkruan AlbanianEducation.net.
Postimi i shkollës:
Mësimdhënia jo vetëm profesion!
Ju prezantojmë me mësuesin Fehmi Sejdiu!
U lind në fshatin Dobratin. Shkollën fillore e kreu në vendlindje, kurse të mesmen në Kërpimeh dhe Podujevë.
Diplomoi në Fakultetin e Edukimit, drejtimi Gjuhë dhe Letërsi Shqipe, si dhe në programin fillor.
Punën në arsim e filloi në shtator të vitit 2010 në shkollën e fshatit Bajqinë, ndërsa që nga shtatori i vitit 2017, është pjesë e shkollës tonë!
Përveç punës edukativo-arsimore, vazhdon të jap kontributin e tij edhe në aktivitete tjera përfituese me nxënësit tanë!
Aktualisht punon me klasën e katërt!
