Shkolla “Hamit Sejdiu” në Kërpimeh të Podujevës ka vazhduar me prezantimin e mësimdhënësve.
Sot ka prezantuar arsimtaren e gjuhës angleze Fatmire Latifi Menxhiqi, e cila kapi ditarin për herë të parë në vitin 2006, shkruan AlbanianEducation.net.
Njoftimi i shkollës:
Mësimdhënia jo vetëm profesion!
Ju prezantojmë me arsimtaren e gjuhës angleze Fatmire Latifi Menxhiqi!
U lind në fshatin Kërpimeh. Shkollën fillore e kreu në vendlindje, ndërsa të mesmen në Podujevë!
Diplomoi në Fakultetin e Edukimit, drejtimi Gjuhë dhe letërsi angleze si dhe në master në Universitetin Shtetëror të Tetovës, drejtimi i gjuhës angleze.
Punën në arsim e filloi në shtator të vitit 2006, në disa shkolla të Podujevës, e më pas u transferua në shkollën tonë ku edhe punon aktualisht.
Përveç punës edukativo-arsimore, vazhdon të jap kontributin e saj edhe në aktivitete të lira, së bashku me nxënësit tanë!
