Nxënësja e SHFMU”Qamil Ilazi” nga Kaçaniku i Vjetër ,Betime Jakupi krijoi një ese të mrekullueshme, kushtuar Rrugës së Pavarësisë së Kosovës e motivuar nga mësuesja Vlora Rexha
Fotoja që dhemb me shumë se sa e gjithë historia ,është një foto e një varri te pa identifikuar.
-Eh….në Kosovën tonë të dashur kemi shumë të tillë.-Kemi edhe prej atyre qe janë ende të hapur duke i pritur të rënët.
Të shkruajmë Pavarësinë e shtetit tonë do të thotë se duhet t’i përkujtojmë rrugën,sakrificën,gjakun,ndarjet,dëshirat qe kemi pasur për të arritur gjërë tek kjo ditë 17Shkurt2008.
Padyshim që kjo gjë nuk ishte aspak e lehtë t’a mendosh,e le më t’a jetosh.
Nuk është sikur të vallëzosh me fustanin blu e kordelin e verdhë,mbi petalet e luleve,apo t’a hapesh celularin e te klikosh ne lojërat moderne.
-Jo!mjafton t’a heqim fotografinë prej kornize,e t’i vështrojmë moshatarët tonë,të cilëve çdo vit i hedhim lule mbi varre ,në vend të librave mbi banka;T’i dëgjosh rrefimet e ushtarëve që ishin personazh kryesor të luftës;T’i japësh karrocës së një invalidi,apo çdo ditë t’ia sjellësh bastunin një të verbëri,që copëza e granatës i’a vodhi ngjyrat e syve.
“Mjaft është mjaft”Kosova është e pavarur,citoi Xhorxh Bush në pritjen që i është bërë në kryeqendrën shqiptare.
“Lirinë nuk ua solla unë,atë e kishit në gjak “theksoi i madhi Bill Klinton
Kosova lind përsëri Adema, e nuset e Kosovës do lindin yje të Yllnajës së Mjellmave.Do vjen liria e bashkë me të do të lulëzojë Pavarësia.
Moj e çmuara Pavarësi….
Dritë dritëzove në Kosovën e lirë,
Gurë gurëzove në atë errësirë.
-Sa bukur qëndron Pargamena e shpalljes së Pavarësisë, që ishte dhuruar me dashuri nga Muzeu i Londrës.
Sa krenar e kokëlartë qëndrojmë kur këndohet Himni i Kosovës,sa me krenari e mburrje përcillet Garda e Ushtrisë së Kosovës.
Tanimë Kosova është shtet.
-Ne morëm atë që merituam e armiku mbeti armik.
Nëse dimri do të thoshte:”Kam pranverë në zemrën time”kush do t’a besonte?!
-Ashtu edhe ne nuk i besuam ulërimave të ujkonjave të natës,por besuam në zhurmën që bënin krahët e rrahur të Shqiponjës.
