Erona Syla, një vajzë e talentuar nga Ferizaj, ka arritur një sukses të jashtëzakonshëm duke diplomuar në mjekësi në moshën vetëm 22-vjeçare.
Me përkushtim, disiplinë dhe dashuri për profesionin, ajo ka përfunduar studimet në një periudhë të shkurtër, duke u bërë shembull frymëzimi për të rinjtë që synojnë arritje të mëdha në moshë të re, shkruan AlbanianEducation.net.
Njoftimi i plotë:
Sot, me datë 21.07.2025 mbrojta me sukses temën time të diplomës me titull: “Ndikimi i mjeteve elektronike në çrregullimet e sjelljes te fëmijët”, dhe morra titullin Doktor i Mjekësisë!
Në këtë udhëtim të gjatë e sfidues drejt diplomimit, falënderimi më i madh i takon familjes sime – për dashurinë, mbështetjen dhe durimin e palëkundur në çdo hap.
Falënderoj mentorin tim Prof.Dr. Naim Zeka për angazhimin dhe mbështetjen akademike.
Poashtu falënderoj anëtarët e komisionit Prof.Dr. Sefedin Muçaj dhe Prof.Dr. Vlora Ismaili-Jaha për fjalët e mira dhe vlerësimin korrekt.
Nuk mund të lë pa përmendur miqtë e mi të afërt dhe gjithë ata që më qëndruan pranë, më motivuan, më mbështetën dhe më dhanë fjalën e duhur në momentet më të vështira.
Ky punim nuk është vetëm një rezultat i përpjekjeve
të mia, por edhe një pasqyrim i dashurisë, mbështetjes dhe përkushtimit që kam marrë nga njerëzit që më rrethojnë. Ju falënderoj nga zemra!
Me respekt,
Dr. Erona Syla
