Javën e parë të nëntorit, Kosova është përfshirë nga moti më shi e kohë pas kohe me erëra të forta.
Gjatë së dielës, në disa qytete janë shkaktuar dëme si pasojë e erërave.
Drita Kadriu, drejtoreshë e SHFMU “Shaban Idrizi” në Zhabar, ka njoftuar se kulmi i shkollës është dëmtuar.
Pas njoftimit, kanë intervenuar zjarrfikësit dhe policia.
Ndërkaq për shkak të kësaj, mësimi gjatë ditës së hënë nuk do të zhvillohet.
Postimi i Kadriut:
Njoftim
Të nderuar nxënës, mësimdhënës dhe prindër të SHFMU “Shaban Idrizi” në Zhabar,
Për arsye se erërat e forta e kanë hjekur pjesën më të madhe të kulmit të shkollës, ju njoftojmë se mësimi nesër nuk do të zhvillohet.
Për hapat e mëtejm do të ju njoftojmë me kohë përmes menaxhimentit të shkollës.
E falëmnderoj policinë e Kosovës si dhe zjarrfikësit për intervenimin e tyre.
Gjithashtu e falëmnderoj edhe sekretarin e shkollës dhe stafin teknik që me përkushtim profesional në këto situata të vështira për shkollën ishin në shkollë në krye të detyrës.
Juaja,
Drita
