Era Syla, është studente e cila studion Matematikë dhe Shkenca Kompjuterike në universitetin prestigjioz Massachusetts Institute of Technology (MIT) në SHBA, një ndër institucionet më të njohura në botë në këto fusha. Ajo sot është pritur nga ministrja e Arsimit, Arbërie Nagavci.
Postimi nga Nagavci:
Vajza dhe djem si Era Syla janë frymëzim për të gjithë ne!
Me kënaqësi prita Era Sylën, studenten e cila studion Matematikë dhe Shkenca Kompjuterike në universitetin prestigjioz Massachusetts Institute of Technology (MIT) në SHBA, një ndër institucionet më të njohura në botë në këto fusha. Era, si e vetmja studente nga Kosova në MIT, jo vetëm që ka arritje të jashtëzakonshme akademike, por ka themeluar edhe Shoqatën e Shqiptarëve në MIT.
Kjo iniciativë unike synon promovimin e kulturës shqiptare dhe shpalosjen e potencialit të studentëve tanë kudo në botë.
Era është një nga mijëra studentë e studente që kanë përfituar nga mbështetja e Qeverisë për të vijuar studimet.
Jam e lumtur që gjatë këtij mandati kemi mbështetur të gjithë të rinjtë e të rejat që na bëjnë krenarë, duke dëshmuar se çdo përpjekje dhe sakrificë ia vlen!
Suksese!
