Pas pesë viteve të përkushtimit dhe punës me klasën e saj, mësuesja Afërdita Krasniqi nga Malisheva ka përmbyllur sot një kapitull të rëndësishëm në rrugëtimin e saj profesional dhe personal.
Ajo me përfundimin e vitit shkollor, në një postim prekës në rrjetin social Facebook, ka ndarë reflektimet e saj për këto vite që i ka vlerësuar të mbushura me mësime, përvoja, miqësi dhe kujtime të paharrueshme, shkruan AlbanianEducation.net.
Më poshtë gjeni një video ku nxënësi Erald Kelmendi i ka kushtuar ese dy mësimdhëneseve të tij nga klasa 1 deri 5.
Më poshtë gjeni postimin e mësueses Afërdita:
Sot, përmbyllim me gëzim dhe krenari një etapë të rëndësishme të rrugëtimit tonë shkollor — përfundimin e klasës së pestë.
Këto pesë vite kanë qenë plot mësime, përvoja, miqësi dhe kujtime të paharrueshme.
Faleminderit prindërve për mbështetjen dhe vetë nxënësve për përpjekjen e tyre të përditshme.
Përmbylljen e klasës së pestë e bërën nxënësit me ese dhe poezi.
Çdo fillim e ka një fund!
Suksese nxënës të dashur në rrugen e dijes!
