Elon Musk është i pasur. I pasur shumë. Në fakt, ai është njeriu më i pasur në planet.
Nëse doni të shihni se si kjo përkthehet në mënyrë të neveritshme në pagën mesatare në Mbretërinë e Bashkuar në kohë reale – dhe jo vetëm – atëherë ekziston një kalkulator në internet për ta bërë këtë.
Krijuar nga selectcarleasing.co.uk, mjeti fillon të numërojë të ardhurat e shefit të Tesla-s nga momenti që klikoni në faqen e internetit, përcjell Telegrafi.
Ai gjithashtu e krahason atë me disa emra të mëdhenj në industrinë e automobilave si Lewis Hamilton dhe Jeremy Clarkson.
Por koha që i duhet Elonit për të fituar atë që punonjësi mesatar në Mbretërinë e Bashkuar merr në shtëpi në një vit është vetëm 1 minutë e 47 sekonda, shkruan Metro.co.uk.
Po pra, ata duhet të mundohen për 365 ditë për të bërë atë që prodhon Musk në 107 sekonda.
Dhe nëse do të bëhej një krahasim me pagën në Kosovë, paga mesatare bruto në sektorin privat, në vitin 2020 ishte 380 euro, sipas të dhënave të Agjencisë së Statistikave të Kosovës, përcjell Telegrafi.
Nëse këtë shifër do të konvertonim në dollarë, i bie që paga mesatare në Kosovë gjatë vitit 2020 të ketë qenë 432 dollarë.
Pra, në një llogaritje sipas një kalkulatori, i bie që një pagë mesatare vjetore në Kosovë të jetë në vlerë prej 5.184 dollarë që është e barabartë me atë që Musk mund të fitojnë në vetëm 14 sekonda.
Pavarësisht këtyre, Elon ka shitur shtëpitë dhe është përpjekur të “heqë qafe” pasurinë materiale.
Megjithatë, realisht, asnjëra nga këto gjëra nuk do të dëmtojë sasinë e madhe të pasurisë që ai ka grumbulluar përmes Tesla dhe SpaceX.
