Shkolla “Emin Duraku” në Prishtinë me një sërë aktivitetesh ka festuar 28 Nëntorin, Ditën e Pavarësisë së Shqipërisë.
Me këtë rast drejtori i shkollës Visa Osmani theksoi rëndësinë e kësaj dite dhe nderoi punën e secilit pjesëmarrës në këtë aktivitet madhështor, shkruan AlbanianEducation.net.
Njoftimi i shkollës:
GËZUAR 28 NËNTORIN – DITËN E FLAMURIT!
Dje në shkollën tonë u shënua me shumë aktivitete kjo ditë e madhe kombëtare, duke e kthyer gjithë institucionin në një qendër arti, historie dhe krenarie.
Ekspozita e Madhe
Adelina Bega Arsimtarja jonë e artit solli një ekspozitë mbresëlënëse, e cila i dha shkollës një atmosferë të veçantë dhe emocionale.
Punime artistike me vlerë të madhe dhe me punë të palodhshme!
Këndi i Odës së Shkollës
Mësimdhënësi i Artit Ismet Fazliu Me përkushtimin e tij, të Aktivit Shoqëria dhe Mjedisi dhe me donacionet nga miqtë e shkollës dhe miqtë e drejtorit nga Manastiri Qyteti i Shkronjave, u krijua një hapësirë që pasqyron traditë, identitet dhe kulturë.Mirënjohje të madhe për këtë mbështetje të çmuar!
Drama për 28 Nëntorin – Aktivi i Gjuhës Shqipe.
Nxënësit tanë shfaqën një dramë të përgatitur me mjeshtëri nga mësimdhënëset e gjuhës.
Interpretim i fortë dhe emocionues, që rikujtoi historinë dhe krenarinë tonë kombëtare.
Ligjërata të Historisë – Klubi i Historianëve të Rinj
Mësimdhënësit e historisë, së bashku me Klubin e Historianëve të Rinj, mbajtën ligjërata të veçanta dhe të strukturuara për rëndësinë e 28 Nëntorit, për rrugën drejt pavarësisë dhe figurat historike që dhanë gjithçka për lirinë tonë. Nxënësit morën pjesë me interesim të madh, duke e bërë këtë aktivitet një prej më të vlefshmëve të ditës.
Programi Muzikor – Kori dhe Orkestra
Nën dirigjimin e mësimdhënësve të muzikës, nxënësit krijuan një atmosferë solemne me interpretimet e tyre mbresëlënëse. Tinguj që e nderuan festën dhe shkollën.
Fjala e Drejtorit & Nderimi për Veteranët e Luftës
Drejtori me fjalën e tij theksoi rëndësinë e kësaj dite dhe nderoi punën e secilit pjesëmarrës në këtë aktivitet madhështor.
U ndanë dhurata simbolike për mësimdhënësit veteranë të luftës: Sadik Vitia dhe Nuhi Dema, për sakrificën, kontributin dhe historinë e tyre në shërbim të vendit.
Punime dhe aktivitete në çdo cep të shkollës
Shkolla u mbush me punime, prezantime dhe dekorime që dëshmojnë vlerë, kreativitet dhe përkushtim.
Një vatër e gjallë e kulturës, historisë dhe edukimit.
E veçanta e këtij viti
Këtë 28 Nëntor e bën edhe më të fuqishëm fakti se tashmë jemi 3 shkolla nën 1 institucion, duke sjellë unitet, energji dhe fuqi të re.
Sot u dëshmua se bashkë jemi më të fortë se kurrë.
Faleminderit mediave vendore
Mirënjohje për mediat që çdo herë na qëndrojnë afër, e pasqyrojnë punën tonë dhe e shpërndajnë vlerën e shkollës sonë në gjithë qytetin. Vlerësojmë shumë bashkëpunimin tuaj!
Mesazhi ynë:
Ne jemi të veçantë. Jemi model i reformës. Jemi shembull në nivel vendi.
Kjo shkollë po e shkruan historinë me punë, vlera dhe rezultat të palëkundur çdo ditë.l
Krenar me secilin prej jush!
Faleminderit nxënësve, mësimdhënësve dhe miqve tanë që e ngrisin lart emrin e kësaj shkolle!
