Në një kohë që regjistrimet e maturantëve në universitete vijon, Drejtori i Përgjithshëm, RASH, Rrjeti Akademik i Shqipërisë Arjan Xhelaj në një intervistë për media renditi dhe degët e preferuara të të rinjve për të vijuar studimet e larta.
“Deri tani kemi rreth 80 % të maturantëve që kanë aplikuar për t’u regjistruar, që në shifra janë dikur rreth 15.300 maturantë nga 19.700 që kanë aplikuar në fazën e parë”, tha Xhelaj.
Sa i përket preferencave, eksperti i arsimit theksoi se maturantët e këtij viti vijojnë të zgjedhin degët e Mjekësisë apo Teknologjisë së Informacionit.
“Nuk i zgjedhin degët shkencore si matematika apo fizika, pasi ato vijojnë të mbeten të vështira dhe kështu ka qenë gjithmonë. Edhe unë kur kam qenë në universitet vetëm 7 studentë ishim për shkencat natyrore”, theksoi ndër të tjera Drejtori i Përgjithshëm i RASH-it, Arjan Xhelaj.
Portali Shkollor-
