Njohës të arsimit vlerësojnë se është i nevojshëm ndërtimi i objekteve të reja shkollore.
Rinor Qehaja, nga Instituti “ Edguard” thotë se investimet në infrastrukturë shkollore duhet të bëhen në mënyrë që të garantojnë që numri i nxënësve të mos ta tejkalojë numrin e lejuar pasi ndikon në mësimdhënie.
“Mbipopullimi i disa shkollave në qendra të mëdha vjen si rezultat i migrimit të brendshëm dhe si i tillë kërkon përgjigje institucionale. Dhe kjo nënkupton që të kemi një rialokim të nxënësve në këto lagje por edhe ndërtim dhe investim në infrastrukturë që do të na garantojë që numri i nxënësve të mos tejkalonte atë të lejuarin në institucionet tona shkollore”, tha Qehaja për Radio Kosovën.
Ndërtimi i shkollave të reja është planifikuar të bëhet në lagjet Sofali, Mat dhe Veternik. Projekti do të jetë dy vjeçar ndërsa vlera e tij mbi 12 milionë euro. Ndërtimi i këtyre shkollave, do të mundësojë që 2 mijë e 500 nxënës të vijojnë mësimin në lagjet e tyre ku jetojnë.
