Ekspertët në Britani këshillojnë që nxënësit e vegjël të mos mbajnë maska në shkolla.
Profesori britanik, Calum Semple, i cili është pjesë e Grupit Këshillimor për Emergjencat në Mbretërinë e Bashkuar ka deklaruar se fëmijët në nuk duhet ti përdorin mjetet mbrojtëse në klasa.
Për të zvogëluar transmetimin eksperti sygjeron që dritaret e klasave të mbahen hapur.
Pas njoftimeve të disa shkollave se do ta vendosin mbajtjen e maskës me detyrim edhe për nxënësit e vegjël, gjithashtu edhe pas reagimit të Sekretarit të Drejtësisë në Angli, Robert Buckland, i cili deklaroi se në fund të fundit u takon mësuesve të vendosin nëse do të ndjekin udhëzimet, profesori Semple tha se kjo është e panevojshme, pasi fëmijët e vegjël paraqesin rrezikun më të ulët të transmetimit si për veten e tyre, ashtu edhe për shoqërinë.
“Kur bëhet fjalë për transmetimin, fëmijët ka të ngjarë të kenë gjysmën e gjasave për ta transmetuar virusin sesa të rriturit. Prandaj unë nuk jam adhurues i madh i mbajtjes së maskave të fëmijët e vegjël. Nëse do të më duhej të investoja në një aktivitet të vetëm për të përmirësuar mjedisin si për fëmijët ashtu edhe për të rriturit, do të përqëndrohesha në përmirësimin e ventilimit. Ajrimi është një mënyrë më e mirë për të zvogëluar transmetimin, sesa maska”, deklaroi Semple.
Një ditë më pare, ministri i Arsimit deklaroi se mbajtja e maskave nuk do të jetë e detyrueshme në shkolla megjithëse tha se qeveria këshillon përdorimin e tyre, për të shmangur infektimin.
Ndërkohë prindërit e nxënësve britanikë, shprehen kundër mbajtjes së maskave te fëmijët e tyre, duke u mbështetur në studime të ndryshme të cilat theksojnë joefikasitetin e maskave te kjo grupmposhë./Vizion Plus/
