Kjo nuancë u rri shkëlqyeshëm të gjithave.
Ngjyra bezhë është bërë shumë aktuale gjatë vitit të kaluar, ndërkaq popullariteti nuk do t’i humbë as gjatë vjeshtës, transmeton Telegrafi.
Stilisitët dhe dizajnerët pajtohen, nëse do të detyrohen të zgjedhin vetëm një ngjyrë për sezonin e vjeshtës, atëherë kjo gjithësi do të jetë nuanca neutrale.
Për shumë arsye është e mirë dhe e preferuar. Para së gjithash, u rri të gjithave mirë, pa marrë parasysh ngjyrën e tenit dhe të flokëve dhe, e dyta, shumë lehtë kombinohet me të gjitha ngjyrat e tjera.
Ekspertët këshillojnë të zgjidhni pjesë klasike si p.sh. mantele, këpucë, çanta ose triko cilësore në këtë ngjyrë, në mënyrë që me sukses t’i plotësoni veshjet dhe t’i bëni kombinimet interesante.
Këta janë disa shembuj se si të bëni veshje të shkëlqyeshme me ngjyrë bezhë në rolin kryesor.
