Po vije koha e zhvillimit të ekskursioneve të maturantëve të shkollave të mesme në Shqipëri, çka edhe kanë nis të qarkullojnë çmimet që një nxënës duhet të paguajë.
Gazeta Online AlbanianEducation.net ka kontakuar me drejtoreshën e Arsimit në Gjakovë, Eranda Kumnova-Baci, për ta pyetur rreth ofertave që i janë kërkuar shkollave të Gjakovës.
Drejtoresha ka bërë të ditur se procedurat për disa shkolla kanë përfunduar e për disa të tjera hapen ofertat më 29 maj.
“Procedurat kanë përfunduar për Gjimnazin “Hajdar Dushi” dhe të shkollës së mesme ekonomike ‘Kadri Kusari’. Oferta për gjimnazin “Hajdar Dushi” është 4 netë e 5 ditë në vlerë 140 euro, kurse për shkollën “Kadri Kusari” oferta është 3 netë e 4 ditë në 120 euro”, ka thënë drejtoresha Kumnova-Baci për AlbanianEducation.net.
Ajo ka treguar se me datën 29 maj do të hapen ofertat për shkollën e mesme të mjekësisë “Hysni Zajmi dhe asaj teknike “Nexhmedin Nixha”.
Kujtojmë se në qytetin e Gjilanit është raportuar së fundmi se nxënësve u janë kërkuar 149 euro për dy netë qëndrimi në Shqipëri, çmim që ka ngjallur reagime tek disa prindër. /AlbanianEducation.net
