Ekipi për vlerësimin e brendshëm në shkollën “Meto Bajraktari” në Prishtinë nis punën për sigurimin e cilësisë

Ekipi i brendshëm në shkollën “Meto Bajraktari” në Prishtinë ka nisur punën sa i përket sigurimit të cilësisë, shkruan AlbanianEducation.net.

Njoftimi i shkollës:

Ekipi për Vlerësimin e brendshëm të shkollës filloi punën.

Vlerësimi i brendshëm i shkollës ka provuar që është i dobishëm dhe efektiv për të krijuar dinamika të brendshme të bashkësisë profesionale të shkollës për sa i përket sigurimit të cilësisë.

Ky proces përfshinë një sërë masash dhe aktivitetesh në mbledhjen dhe sistemimin e të dhënave në fushat e cilësisë dhe kriteret e përformancës së shkollës.

Analiza e këtyre të dhënave pastaj siguron informacione relevante për gjendjen ekzistuese, trendin e përformancës së shkollës dhe masat e nevojshme për intervenim/avancim.