Abetare Muhadri, edukatore në shkollën “Shaban Golaj” në Lipovec të Gjakovës ka realizuar me shumë kreativitet dhe përkushtim disa murale të bukura në ambientet shkollore, shkruan AlbanianEducation.net.
Njoftimi i shkollës:
Edukatorja e shkollës sonë, Abetare Muhadri, ka realizuar me shumë kreativitet dhe përkushtim disa murale të bukura në ambientet tona shkollore.
Këto murale, të mbushura me ngjyra dhe elemente edukative, janë krijuar për të frymëzuar nxënësit dhe për të zbukuruar klasat e tyre.
Ato përfshijnë ilustrime që ndihmojnë në mësimin e numrave, formave, dhe emocioneve, duke shtuar një atmosferë të ngrohtë dhe tërheqëse për të gjithë.
Falenderojmë Abetaren për punën e saj të palodhur dhe përkushtimin e saj ndaj fëmijëve dhe komunitetit shkollor.
Murale të tilla pasurojnë përvojën e të mësuarit dhe kontribuojnë në krijimin e një ambienti shkollor sa më të gëzueshëm dhe edukativ.
Me respekt,
Drejtoria e Shkollës
