Eduard Bajrami, nxënësi nga Fushtica e Poshtme, është shpallur nxënësi më i mençur në Drenas pasi arriti një rezultat të jashtëzakonshëm në testin e inteligjencës, duke shënuar një IQ prej 167.
Kjo arritje e bën atë jo vetëm nxënësin më të dalluar në komunën e Drenasit, por edhe një ndër individët me aftësi të rralla në Drenas dhe më të gjerë.
Sipas të dhënave, inteligjenca e Eduardit tejkalon ndjeshëm mesataren, duke e futur atë në mesin e njerëzve me potencial të jashtëzakonshëm në fushën e dijes dhe kreativitetit. Aftësitë e tij të spikatura pritet të hapin dyer për të në fusha të ndryshme shkencore dhe akademike.
Ky sukses është një frymëzim jo vetëm për shkollën dhe bashkvendasit e tij, por edhe për gjithë nxënësit e rajonit. Përveç aftësive të larta intelektuale, Eduardi është i njohur për përkushtimin dhe pasionin e tij ndaj mësimit, çka e bën model për të gjithë të rinjtë që aspirojnë arritje të mëdha.
Familja dhe mësuesit e tij kanë shprehur krenarinë e tyre për këtë arritje, duke theksuar se ky është vetëm fillimi i një udhëtimi të suksesshëm për Eduardin.
Ne i dëshirojmë edhe shumë suksese të tjera Eduardit!👏🏻👏🏻 / Marrë nga DrenicaOnline
