Eda Mulaku nga Kaçaniku zë vendin e parë në Fazën e Tretë të Olimpiadës së Gjuhës Shqipe

Nxënësja Eda Mulaku nga Kaçaniku ka arritur një sukses të jashtëzakonshëm në fushën e arsimit, duke zënë vendin e parë në Fazën e Tretë të Olimpiadës së Gjuhës Shqipe, shkruan AlbanainEducation.net.

Eda është nxënëse e shkollës “Qamil Ilazi”, institucion që vazhdon të shquhet për rezultate të mira në gara dhe aktivitete arsimore.

Ky vlerësim përbën një motiv shtesë për nxënësit e tjerë që të vazhdojnë të investojnë në dije dhe zhvillim akademik.

Suksesi i Edës njëherësh promovon edhe rëndësinë e ruajtjes dhe kultivimit të gjuhës shqipe përmes garave dhe aktiviteteve edukative.