Një nxënës vrau dy persona dhe plagosi një tjetër në një sulm me thikë në një shkollë të mesme në verilindje të Sllovakisë të enjten, thanë zyrtarët dhe shërbimet e shpëtimit.
Agresori, i identifikuar si një student 18-vjeçar, u arrestua menjëherë pas krimit, tha policia.
“Mund të konfirmojmë dy të vdekur, ndërsa një person me lëndime mesatare u transportua në spital”, tha Danka Capakova nga shërbimi i urgjencës së Sllovakisë për AFP.
Sulmi ndodhi në qytetin Spisska Stara Ves pranë kufirit të Sllovakisë me Poloninë, rreth 280 kilometra në verilindje të Bratislavës.
Shërbimi i urgjencës “dërgoi disa ekuipazhe të ambulancës në gjimnazin Spisska Stara Ves sot para orës 13:00”, tha Çapakova.
Policia sllovake tha se sulmuesi “u arrestua shumë shpejt pas incidentit”.
“Informacionet në dispozicion tregojnë se ai ka sulmuar një mësuese dhe dy studentë të tjerë”, tha policia në Facebook.
