Drejtori ekzekutiv i Institutit Edguard, Rinor Qehaja tha se mund të ripërsëriten greva të tilla në arsim nëse nuk rishikohet Ligji për Greva.
Sipas tij, dëmi i shkaktuar nga greva në arsim, duhet të jetë debati i radhës që duhet diskutuar në nivel nacional.
“Është për keqardhje që është dashur të kalojë 1 muaj për t’u rikthyer në të njëjtën situatë si para 25 gushtit. Ky reflektim i mësimdhënësve shpresoj që të kthehet në një vendim pro rikthimit në proces mësimor. Dëmi që është shkaktuar nga kjo periudh, është debati i radhës që duhet të nxitet në nivel nacional. Frika jonë është që të riciklohet tërë situata, dhe do të ndodhë përsëri në qoftë se nuk rishikohet Ligji për Greva”, tha Qehaja në emisionin “Infonata”.
Qehaja në Tëvë1 vlerëson se një numër shumë i madh i mësimdhënësve janë të interesuar për rikthim të procesit mësimor.
“Më e rëndësishmja është se vet mësimdhënësit janë të vetëdijshëm për dëmin që kjo situatë është duke ju shkaktuar nxënësve”, tha tutje ai.
