E rrezikshme: Disa nxënës rrezikojnë jetën e tyre që të marrin borë nga terasa e shkollës

Një ngjarje shqetësuese është regjistruar në shkollën fillore dhe të mesme të ulët “Musa Hoti,” në Mitrovicë, ku disa nxënës janë kapur duke ndërmarrë një akt të rrezikshëm.

Ata janë ngjitur në terasën e shkollës për të marrë borë, duke vënë jetën e tyre në rrezik, shkruan Jepi zë.

Pamjet e nxënësve tregojnë se ata qëndrojnë në lartësi të rrezikshme pa asnjë masë sigurie, ndërkohë që njëri prej tyre përpiqet të ngjitet në mënyrë të pasigurt. Kjo situatë ngrit shqetësime të mëdha për sigurinë e nxënësve në ambientet e shkollës dhe tregon nevojën për mbikëqyrje më të rreptë dhe masa parandaluese.

Prindërit dhe mësimdhënësit ftohen të reagojnë ndaj këtyre veprimeve të rrezikshme, në mënyrë që të shmangen incidente të mundshme të rënda.