Një i ri 14 vjeçar ka vdekur pas plagëve të marra nga therja me thikë gjatë ditës së sotme në Prishtinë.
Nga Policia e Kosovës kanë konfirmuar se viktima ka ndërruar jetë pasi është dërguar në QKUK për trajtim.
I njëjti raportohet se është nxënës i shkollës “Hilmi Rakovica” në Prishtinë.
“Sot rreth orës 07:30, kemi pranuar informatën për një rast vrasje, në rrugën “Fahri Fazliu”, në Prishtinë.
Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore.
Bazuar në të dhënat fillestare, personi i cili dyshohet se ka marrë lëndime të rënda nga një mjet i mprehët (thikë) dhe i njëjti është dërguar në Qendrën e mjekësisë Familjare (QMF), ku dhe është konstatuar vdekja e tij.
Vdekjen e viktimës R.H. mashkull 14 vjeç, e ka konstatuar ekipi mjekësor në QMF.
Aktualisht hetuesit policor kanë nisur një hetim për sqarimin e të gjitha rrethanave që lidhen me rastin”, thuhet në njoftimin e Policisë së Kosovës.
