E rëndë: Nxënësi masakron me thikë dhe sëpatë dy gra në shkollë

Dy gra kanë mbetur viktima ta pas një sulmi në një shkollë në qytetin e Malmos, Suedi.

Dyshohet se autori është një nxënës 18-vjeçar, i cili sipas raportimeve të medieve vendase ka qenë i armatosur me thikë dhe sëpatë. Policia nuk ka dhënë më shumë detaj nga ngjarja e rëndë, por ka thënë se dy gratë kanë qenë punonjëse në shkollë.

Ato janë dërguar në spital por nuk kanë mundur t’i mbijetojnë plagëve të marra.

Rreth 50 persona, nxënës dhe mësues, kanë qenë në ndërtesë kur ka ndodhur sulmi. Policia ka evakuuar shkollën, ndërsa ka bërë hetimet e para nga të cilat nuk ka pasur prova për persona të tjerë të përfshirë.