Një 4-vjeçar ka vdekur pasi ishte rrahur me shkopin e fshesës dhe autoritetet besojnë se sulmuesi i viktimës ishte motra e tij 9-vjeçare.
Sipas një deklarate nga policia e Alabamas në Shtetet e Bashkuara Amerikane, rrahja fatale ndodhi më 3 shkurt.
Policët ishin thirrur atë mëngjes në një shtëpi për një emergjencë mjekësore që përfshinte një fëmijë.
Kur policia arriti, djali ishte i vdekur.
Hetuesit mësuan se te fëmija kishte shenja të abuzimit, shkruan People.
Yolanda Coale, kujdestarja dhe halla e fëmijëve, u arrestua për abuzim të fëmijëve.
Nga dokumentet e gjyqit u mësua se 9-vjeçarja është ngarkuar me akuzën për sulm.
Siç raportohet, Coale i tha policisë se u zgjua pas britmave dhe gjeti 9-vjeçaren duke e rrahur vëllain e saj me një fshesë. Akuza thotë se vajza “torturoi me dëshirë, abuzoi me dëshirë dhe rrahu brutalisht” vëllain e saj.
