E premte, 20 Shtator, 2024

E KONFIRMUAR: Shkurtohet hyrja në fuqi e Ligjit për Pagat

- Advertisement1-

Qeveria Kurti e ka dërguar në Kuvend të projektligjin për paga dhe tash u mbetet ligjvënësve për ta çuar përpara atë.

Por, para se ky projektligj të shkonte në Kuvend u përditësua. Më parë parashihej që Ligji për Paga të hynte në fuqi pas tetë muajve. Por tani nuk është kështu.

- Advertisement -

Përparim Kryeziu, zëdhënës i Qeverisë së Kosovës e ka konfirmuar se pas miratimit në Kuvend vetëm një muaj do të nevojitet që ligji do të hyjë në fuqi.

Që ligji të hyjë në fuqi më shpejtë ka kërkuar edhe opozita.

Kjo është konfirmuar nga Hykmete Bajrami, deputete e Lidhjes Demokratike të Kosovës.

“Ne prej fillimi kemi kërkuar që me hy në fuqi sa më herët”, i ka thënë Bajrami Gazetës Express.

Konsultimet për Ligjin e Pagave

Në muajin tetor të këtij viti kur kryeministri i Kosovës, Albin Kurti po përballej me kërkesat e sindikatës së arsimit – kishte premtuar hapje të diskutimit publik për Ligjin e Pagave.

- Advertisement -rrrrrrr

Zëdhënësi i Qeverisë, Përparim Kryeziu në përgjigjen e tij për Gazetën Express, ka thënë se ka pasur gjithëpërfshirje në këtë diskutim.

“Në konsultime publike ka pasur gjithëpërfshirje të institucioneve relevante dhe palëve të interesuara. Një ndryshim në kuadër këtyre konsultimeve ka qenë edhe reduktimi i kohës së paraparë që ligji të hyjë në fuqi, nga 8 në 1 muaj pas publikimit në Gazetën Zyrtare”, ka deklaruar ai.

Kryeziu po ashtu ka thënë se Ligji për Paga është paraparë edhe në projekt-ligin e buxhetit për vitin 2023.

Pagat, inflacioni dhe grevat

Qeveria Kurti më 23 nëntor ka shfuqizuar vendimin e vitit 2017 të Qeverisë Haradinaj për rritjen e pagave për gjyqtarët dhe prokurorët.

Ndërkaq, Kurti si argument se pse duhet të ndalen grevat në arsim e ka përmendur edhe Ligjin për Pagat.

Kategoritë e sektorit publik po kërkojnë rritje për paga, pasi thonë se nuk po munden të i’a dalin për shkak të inflacionit, që sipas Bankës Botërore është mbi 19 për qind.

Ndërkohë, buxheti për vitin 2023 pritet të jetë 3 miliardë e 212 milionë euro, prej tyre 745 milionë euro do të jenë për paga dhe mëditje.

Opozita vazhdimisht ka këmbëngulur që Ligji për Paga të jetësohet sa më shpejtë.

Share

Të fundit

Të tjera nga kategoria

Prindërit nuk janë fajtorë nëse fëmija nuk ha, ja çfarë ka zbuluar studimi i fundit

Prindërit nuk janë fajtorë për "fëmijët e bezdishëm me ushqimin" thonë studiuesit, pasi një...

Shkolla “Bajram Abdiu”, në Bicaj të Kukësit e renovuar tërësisht – nxënësit do të mësojnë me kushte dinjitoze

Shkolla "Bajram Abdiu", në Bicaj të Kukësit, është renovuar komplet. Pamjet i ka ndarë...

Agim Baçi: Mësojuni fëmijëve se gjyshërit nuk janë vetëm prindërit e prindërve, por edhe një histori dhe përvojë më vete

A e dini se gjyshërit nuk janë vetëm prindërit e prindërve, por edhe një...

Ben Gavazaj, nxënësi nga Prizreni që la Amerikën dhe u kthye në Kosovë

Ben Gavazaj, është nxënës i klasës së katërt në shkollën "min Duraku në Prizren....