Suela Duraku është ndarë nga jeta në moshën 11-vjeçare pas një sëmundje të rëndë.
Suela ishte nxënëse e dalluar e shkollës “Liria” në komunën e Vushtrrisë.
Lajmin e ka bërë të ditur drejtoria e shkollës përmes një njoftimi ku i ka shprehur ngushëllime familjes.
“Me dhimbje të thellë e morëm lajmin për ndarjen nga jeta të më të dashurës suaj dhe nxënëses sonë të dalluar, Suela Duraku. Andaj, më lejoni që në emër të gjithë nxënësve, mësimdhënësve dhe në emrin tim personal, t’ju shpreh ngushëllimet tona më të sinqerta.Suela ishte nxënëse e dalluar me një edukatë të pashoq, e respektuar, fjalëpak dhe e dashur për të gjithë” , thuhet ndër të tjera në njoftimin e drejtorisë së shkollës.
“Vdekja e saj është një humbje e madhe, jo vetëm për familjen, por edhe për shoqërinë e saj, neve si shkollë, e po ashtu edhe për shoqërinë, për faktin se Suela do të ishte një doktoreshë e suksesshme, një mësuese e mirë, një psikologe e ndoshta edhe një astronaute.Andaj, edhe një herë pranoni ngushëllimet tona më të sinqerta.I lehtë i qoftë dheu i Kosovës dhe pushoftë në paqe!”, thuhet në njoftim.
Varrimi i voglushes është bërë sonte në ora 18:00 në varrezat e reja të Strofcit.
