Shkolla “Naim Frashëri” në Prishtinë ka njoftuar se është ndarë nga jeta mësuesja Violeta Goçi, shkruan AlbanianEducation.net.
Shkolla në njoftim thotë se ikja e mësueses Violeta lë një boshllëk të madh jo vetëm në kolektiv, por edhe në zemrat e të gjithë atyre që patën fatin të mësonin e edhe të punonin përkrah saj.
Njoftimi i plotë:
Me pikëllim të thellë morëm lajmin për ndarjen nga jeta të koleges sonë, mësueses Violeta Goçi.
Ikja e saj lë një boshllëk të madh jo vetëm në kolektivin tonë, por edhe në zemrat e të gjithë atyre që patën fatin të mësonin e edhe të punonin përkrah saj.
Me profesionalizëm, qetësi dhe dashuri për nxënësit, ajo kontribuoi çdo ditë në edukimin dhe formimin e brezave që i përcolli, duke dhënë shembull të vërtetë të misionit fisnik të mësuesit.
Do të kujtojmë gjithmonë me respekt, mirënjohje dhe mall!
U prehsh në paqe kolege e dashur!
Ngushëllime të sinqerta familjes, të afërmve si dhe ish nxënësve të saj, nga kolektivi, pjesë e të cilit ishte edhe mësuesja Violetë!
