Ka ndërruar jetë 11-vjeçari nga fshati Banjë e komunës së Malishevës,
Lajmin e kanë dhënë shkolla “Naim Frashëri” në Banjë të Malishevës, e cila në njoftim thotë se 11-vjeçari kishte ndjekur mësimet e klasës së parë në këtë shkollë në vitin shkollor 2018/2019, por, tri vitet e fundit nuk kishte vijuar fare mësimet, sepse shëndetin nuk e kishte mirë, dhe u detyrua të ishte vazhdimisht në trajtim mjekësor edhe jashtë vendit.
Njoftimi i shkollës:
Me konsideratën më të lartë, Drejtoria e shkollës në emër të të gjithë nxënësve, mësimdhënësve, punëtorëve e prindërve të nxënësve të shkollës sonë, shpreh ngushëllime familjes Telaku për ndarjen nga jeta e djalit të tyre, Denis Burim Telaku, lindur më 07.12.2011.
Denisi kishte ndjekur mësimet e klasës së parë në shkollën tonë në vitin shkollor 2018/2019, por, tri vitet e fundit nuk kishte vijuar fare mësimet, sepse shëndetin nuk e kishte mirë, dhe u detyrua të ishte vazhdimisht në trajtim mjekësor edhe jashtë vendit.
Me gjithë përpjekjet e vazhdueshme të mjekëve, dhe mbështetjes e lutjeve të familjes, shkollës e miqësisë, sot, në orët e para të mëngjesit morëm lajmin e trishtë e të rëndë, për vdekjen e Denisit.
Qoftë i përjetshëm kujtimi për Denisin, e pushoftë në paqen e përjetësisë!
