Mësuesja nga Mitrovica, Gyltene Potoku – Gashi, është një nga tre vitimat që kanë mbetur të vdekur një aksident të rëndë trafiku, që ka ndodhur të dielën mbrëma në rrugën magjistrale Mitrovicë – Pejë, përkatësisht në fshatin Çubrel.
Mësohet se të vdekur kanë mbetur tre anëtarë të familjes Gashi, e që janë: Zarife Gashi, rreth 70 vjeçare, Agim Gashi, rreth 50 vjeçar dhe Gyltene Gashi, rreth 48 vjeçare.
Në aksident kanë mbetur të lënduar edhe pesë persona, katër prej tyre zyrtarë policorë.
Lajmin e ka konfirmuar edhe Policia e Kosovës, e cila ka njoftuar se në aksidentin e orës 18:40 janë përfshirë dy vetura, njëra prej tyre veturë zyrtare e policisë.
Policia ka njoftuar se “si pasojë e aksidentit, bazuar në informacionet e siguruara kanë humbur jetën tre persona civil, përderisa lëndime kanë pësuar edhe pesë persona tjerë, katër prej tyre zyrtarë policorë”.
