Mjekja që duhet të kishte ndihmuar 14-vjeçaren, Eleonora Chinello, është vënë nën hetim për vrasje nga pakujdesia: ajo dyshohet se ka refuzuar të veprojë në kohë.
Mjekja dyshohet praktikisht nuk e ka ndihmuar: “Vetëm” infermierët e ambulancës i dhanë ndihmën e parë. Dhe tani edhe doktoresha e gjen veten nën hetim, sikurse shoferi që e goditi.
Rasti është ai i Eleonora Chinello-s , e përplasur dhe e vrarë në moshën 14-vjeçare teksa po shkonte në shkollë me biçikletë.
Prokurori Publik i Prokurorisë së Padovës, Sergio Dini, i ngarkuar me procedimin penal në lidhje me aksidentin e ndodhur mëngjesin e së hënës së 28 tetorit, në Sant’Angelo di Piove di Sacco, ku u aksidentua nxënësja, ka nisur një hetim ndaj mjekes.
Prokurori urdhëroi arrestimin e menjëhershëm të drejtuesit të Volkswagen Golf i cili goditi vajzën teksa po arrinte në stacionin e autobusit për të shkuar në shkollë me biçikletën e saj, nën akuzë për vrasje në rrugë. 34 vjeçari, nga Campolongo Maggiore (Ve), nga hetimet e para duket se po ecte me shpejtësi dukshëm më të lartë se kufiri.
