Fëmijët e komunitetit rom vazhdojnë të përballen me kushte të vështira ekonomike.
Një rast i tillë është bërë publik sot në rrjete sociale ku një fëmijë i cili ende nuk kishte mbushur 14 vjet, kryente punë të rënda fizike.
Gazetarja Jehona Zhitia ka publikuar disa fotografi duke ruajtur identitetin e fëmijës për të cilin tregoi se i kërkoi që mos ta fotografonte se po qeshin shokët e tij më të.
“Kam ardhë nga Fushë Kosova. Qe tri orë i kam mbledhë këto plastika, shishe, kanaçe. M’duhet me mbushë edhe një herë kaq, për me mujt m’i nxjerr 3 euro me ia çu babës n’aksham”, citohet t’i ketë thënë fëmija gazetares.
Postimi i plotë:
Më tha: mos ma fotografo fytyrën se po qeshin shokët me mua!
Pesha që bartte mbi supe ishte shumë e rëndë, ndoshta sa pesha e trupit të tij të njomë që ende s’i kishte mbushur të 14-at.
Këtë fëmijë të komunitetit rom e takova në lagjen time dhe nuk mund të kaloja sikur nuk po shoh asgjë. Ndjeva dhimbje në zemër dhe u ndala për t’i ndërruar disa fjalë me të:
“Kam ardhë nga Fushë Kosova. Qe tri orë i kam mbledhë këto plastika, shishe, kanaçe. M’duhet me mbushë edhe një herë kaq, për me mujt m’i nxjerr 3 euro me ia çu babës n’aksham”.
E pyeta: A e ke rëndë? – M’u përgjigj me një gjysmë zëri: “Mezi pe baj, po më dhem shpina, por s’kam qare pa e çu te vendi”.
U largova e trishtuar me faktin se në cfarë gjendje jeton një pjesë e shoqërisë, ku fëmijët detyrohen të kryejnë punë të rënda fizike për të siguruar kafshatën e gojës.
E kush ka faj në këtë rast?!
