Drejtoria e Arsimit në Deçan ka publikuar rezultatet preliminare të Olimpiadës Matematike të Kosovës 2026, shkruan AlbanianEducation.net.
DKA njofton se nxënësja Erza Imeraj ka të drejtë dhe pritet të marrë pjesë në TST (Testin Përzgjedhës Kombëtar) për IMO 2026 (Olimpiadën Ndërkombëtare të Matematikës).
Njoftimi nga Drejtoria e Arsimit në Deçan:
Rezultatet Preliminare të Olimpiadës Matematike të Kosovës 2026
Pas shpalljes së rezultateve preliminare të Olimpiadës Matematike të Kosovës – 2026, me kënaqësi vërejmë se nxënësit nga Komuna e Deçanit kanë dalë në pah arritjet në garën vendore.
Këtu janë rezultatet e tyre:
· Erza Imeraj – IAAP “Tafil Kasumaj”, Deçan
Vendi i 4-të për klasat e XII.
· Art Qorraj – Gjimnazi “Vëllezërit Frashëri”, Deçan
Vendi i 10-të për klasat e XI.
· Arsa Tishukaj – ShFMU “Isa Boletini”, Isniq
Vendi i 11-të për klasat e VIII.
· Basri Mataj – ShFMU “Dëshmorët e Vokshit”, Pobërgjë
Vendi i 16-të për klasat e VII.
· Erion Bozhdaraj – ShFMU “Sylejman Vokshi”, Prejlep
Vendi i 18-të për klasat e IX.
Sipas këtyre rezultateve, nxënësja Erza Imeraj ka të drejtë dhe pritet të marrë pjesë në TST (Testin Përzgjedhës Kombëtar) për IMO 2026 (Olimpiadën Ndërkombëtare të Matematikës).
Testi i parë do të shërbejë për përzgjedhjen e ekipit që do të përfaqësojë Kosovën në Olimpiadën Ndërkombëtare të Matematikës (IMO) 2026.
Dëshirojmë t’u përgëzojmë të gjithë nxënësit për angazhimin dhe rezultatet e tyre të jashtëzakonshme. Urojmë suksese më të mira në garat e ardhshme, ndërsa nxënëses Erza Imeraj i urojmë fat dhe sukses të plotë në fazën kombëtare të përzgjedhjes!
Me respekt:
Prof Muharrem Kukalaj
