Drejtori i Arsimit në Prishtinë, Samir Shahini, ka vizituar sot shkollën “Gjergj Fishta” në Prishtinë ku është pritur nga drejtoresha Supije Zhitia, shkruan AlbanianEducation.net.
Në njoftim thuhet se takimi kishte për qëllim shprehjen e përkrahjes dhe urimit për shërim të shpejtë për drejtoreshën, e cila me përkushtim e dashuri udhëheq këtë institucion arsimor.
Njoftimi i plotë:
📚 Vizitë në shkollën “Gjergj Fishta” – me drejtoreshën Supije Zhitia
Drejtori Samir Shahini, së bashku me Ardiana Ismailin, Ridvan Islamin dhe Arbër Gashin, sot zhvilluan një vizitë në SHFMU “Gjergj Fishta”, ku u pritën nga drejtoresha Supije Zhitia.
Takimi kishte për qëllim shprehjen e përkrahjes dhe urimit për shërim të shpejtë për drejtoreshën, e cila me përkushtim e dashuri udhëheq këtë institucion arsimor.
Gjatë vizitës u diskutua për përparimet në procesin mësimor, përkushtimin e stafit dhe planet për përfshirjen e shkollës në fazën e tretë të mësimit tërëditor.
Një mëngjes i mbushur me respekt, mirënjohje dhe frymë bashkëpunimi për të mirën e fëmijëve tanë. 🌱
