Drejtori i Shkollës “Emin Duraku” në Prizren, Rrahim Bekteshi, ka ndarë në rrjetet sociale një fotografi dhe një kujtim nga vitet ’90 të shekullit të kaluar, duke sjellë në vëmendje rolin e mësuesit dhe përkushtimin e stafit arsimor në rrethana të vështira.
Postimi hapet me një thënie të Luigj Gurakuqit: “Mësuesi është përhapësi i dritës”, e cila shërben si bosht simbolik i kujtimit.
Drejtori Bekteshi rikthen në memorie bashkëpunimin me kolegët e tij mësimdhënës të Shkollës fillore “Dituri(a)” në fshatin Samadraxhë të Therandës, gjatë viteve ’90, një periudhë e njohur për sfidat e mëdha në fushën e arsimit.
Fotografia e publikuar paraqet një grup mësimdhënësish në një ambient shkollor, të mbledhur rreth një tryeze pune, duke reflektuar frymën kolektive dhe seriozitetin profesional të kohës.
Pamja vizuale përforcon mesazhin e postimit: kujtesën për një brez arsimtarësh që kontribuuan në ruajtjen dhe zhvillimin e arsimit shqip.
