Drejtori i Arsimit në Suharekë, Remzi Bajselmani, ka dalë me një sqarim ku njofton se nuk ka asnjë problem sa i përket ngrohjes nëpër të gjitha shkollat e komunës, shkruan AlbanianEducation.net.
Ai sqaron tutje se si rezultat i vonesave në OSHP në nivel qendror, janë shkaktuar vonesa, por ajo situatë tashmë është e tejkaluar.
Postimi i plotë i drejtorit Bajselmani:
Sqarim
Të nderuar qytetarë,
Lajmet për mos-furnizim të shkollave tona me material për ngrohje, janë të vjetra.
Nuk ka asnjë problem rreth furnizimit me material per ngrohje.
Nxënësit dhe mësimdhënësit kanë kushte te pershtatshme për vijimin e procesit mësimor.
E kemi sqaruar me kohë se, si rezultat i vonesave në OSHP në nivel qendror, janë shkaktuar vonesa, por ajo situate tashmë eshte e tejkaluar dhe s’ka asnjë problem sa i perket ngrohjes neper te gjitha shkollat tona.
