Drejtorët e shkollave të Prishtinës janë mbledhur në një darkë festive përmbyllëse të vitit shkollor, të organizuar nga Drejtoria e Arsimit, ku nuk munguan atmosfera e ngrohtë, muzika dhe momentet festive, shkruan AlbanianEducation.net.
Drejtori i shkollës “Emin Duraku” në Prishtinë, Visar Osmani, ka ndarë një postim lidhur me mbrëmjen përmbyllëse të vitit shkollor, e organizuar së bashku me drejtorët e shkollave dhe Drejtorinë e Arsimit të Kryeqytetit, ku ka publikuar dhe disa fotografi nga ndeja.
Në këtë ngjarje mori pjesë edhe Kryetari i Prishtinës, Përparim Rama, së bashku me drejtorin e Arsimit, Samir Shahini, dhe ish-drejtoresha e DKA-së, Jehona Lushaku-Sadriu.
Sipas drejtorit Osmanit, kjo mbrëmje ishte jo vetëm simbol i përfundimit të një viti të suksesshëm pune, por edhe një përjetim shumë personal për të, pasi u ngjit në skenë me grupin e tij muzikor.
Drejtori Visar Osmani në këtë mbrëmje mori dhe mikrofonin për të kënduar, pasi më parë ka qenë dhe këngëtar.
Postimi i tij i plotë:
Mbrëmje përmbyllëse e vitit me drejtorët e shkollave dhe Drejtorinë e Arsimit, me praninë e Kryetarit të Prishtinës z.Perparim Rama dhe kabinetit të tij.
Një natë e veçantë për të gjithë ne, por edhe shumë personale për mua ,në skenë me grupin tim Muzikor me emocione të forta, energji e pastër dhe një atmosferë që do të mbahet mend.
Faleminderit për respektin, bashkëpunimin dhe këtë mbrëmje të paharrueshme. 🎶✨
