Drejtoresha e shkollës “Katër Dëshmorët” në fshatin Ratkoc, Valbonë Hoti, ka përcjellë një mesazh me rastin e vlerësimit të punës së mësimdhënësve, duke theksuar rolin e tyre si themel i suksesit të shkollës dhe i formimit të brezave të rinj.
Në njoftimin e saj, drejtoresha Hoti ka theksuar se puna e mësimdhënësve është baza mbi të cilën ndërtohet çdo e ardhme dhe se çdo orë mësimi, përgatitje apo sfidë që ata përballojnë, përbën një hap drejt edukimit dhe formimit të nxënësve.
“Mësimdhënësit tanë meritojnë respekt, vlerësim dhe mbështetje çdo ditë, jo vetëm për detyrën që kryejnë, por për ndikimin e madh që kanë në jetën e nxënësve tanë,” është shprehur Hoti.
Ajo ka shtuar se mësimdhënësit përballen çdo ditë me sfida, por nuk ndalen asnjëherë në përkushtimin e tyre për arsim cilësor dhe përgatitjen e brezave të rinj.
“Ata punojnë për të ardhmen, jo për duartrokitje, por për dritën që shohin në sytë e nxënësve kur ata arrijnë suksesin,” ka theksuar më tej ajo.
Postimi i plotë:
Mësimdhënësit forca e shkollës sonë
Sot dua të theksoj diçka që shpesh harrohet: puna e mësimdhënësve është themeli mbi të cilin ndërtohet çdo e ardhme.
Çdo orë mësimi, çdo përgatitje dhe çdo sfidë që ata përballojnë, është një hap drejt formimit të brezave të rinj.
Mësimdhënësit tanë meritojnë respekt, vlerësim dhe mbështetje çdo ditë , jo vetëm për detyrën që kryejnë, por për ndikimin e madh që kanë në jetën e nxënësve tanë.
Çdo ditë, me përkushtim dhe durim, ata përballen me sfida, por asnjëherë nuk ndalen.
Ata punojnë për të ardhmen , jo për duartrokitje, por për dritën që shohin në sytë e nxënësve kur ata arrijnë suksesin.
Është koha që të gjithë t’u japim vendin dhe respektin që e meritojnë.
Të nderojmë mësimdhënësit tanë, sepse pa ta, asnjë profesion dhe asnjë e ardhme nuk do të ekzistonte.
Le t’i vlerësojmë, t’i dëgjojmë dhe t’i respektojmë si profesionistët që janë.
Sepse shkolla pa mësimdhënës nuk ka shpirt.
Me respekt
Drejtoresha e shkollës
Valbone Hoti
