Drejtoresha Eranda Baçi: Vlera e koeficientit të pagave duhet të jetë 130 euro

Drejtoresha e Arsimit në Gjakovë, Eranda Baçi, në një intervistë për AlbanianEducation.net ndër të tjera ka folur edhe lidhur me vlerën e koeficientit të pagave për mësimdhënësit.

Drejtoresha Baçi vlerëson se vlera e koeficientit prej 105 euro sa është aktualisht është e vogël, dhe pohon se duhet të jetë 130 euro.

“Kuadri arsimor ka nevojë për mbështetje të vazhdueshme financiare dhe profesionale. Mendoj se ky koficient nuk është i mjaftueshëm dhe do të duhej të ishte 130. Këtu bazohem edhe në raport me inflacionin. Mësimdhënësit nuk kanë qenë të kënaqur edhe me koficientin fillestar dhe ne kemi pritur se Qeveria do të marrë për bazë kërkesat e tyre”, ka thënë drejtoresha Baçi për AlbanianEducation.net.

INTERVISTË | Drejtoresha e Arsimit në Gjakovë, Eranda Baçi: Punësimi i psikologëve në shkolla, rritja e bursave, hapja e çerdheve të reja – disa nga sukseset e deritanishme