Drejtoresha e Arsimit në Gjakovë, Eranda Kumnova Baçi, ka nisur një tur të takimit me nxënës të gjimnazeve e shkollave të mesme.
Ditën e parë të takimeve, dje, e ka nisur me gjimnazistët e shkollës “Hajdar Dushi”, kurse sot ka takuar nxënësit e shkollës së mesme “Nexhmedin Nixha”, shkruan AlbanianEducation.net.
“Realizuam debatin shumë konstruktiv me gjimnazistët e shkollës “Hajdar Dushi”.
Nga të gjitha pikat e debatuara dhe nga komunikimi interaktiv, zotimi i përbashkët ishte që të respektohen të gjitha rregulloret dhe ligjet në fuqi.Drejtoria e Arsimit do të marr të gjitha masat që shkolla gjithmonë të jetë vend i sigurtë dhe ambient për mësimdhënie dhe mësimnxënie të suksesshme”, ka shkruar dje drejtoresha Baçi pas takimit me gjimnazistët e “Hajdar Dushit”.
Kurse sot pas takimit me nxënësit e “Nexhmedin Nixha”, tha se zotimi i përbashkët ishte që të respektohen të gjitha rregulloret dhe ligjet në fuqi”.
“Interesim i madh nga nxënësit për bashkëbisedim!
Realizuam edhe një debat me nxënësit e SHMLT “Nexhmedin Nixha”.
Nga të gjitha pikat e debatuara dhe nga komunikimi interaktiv, zotimi i përbashkët ishte që të respektohen të gjitha rregulloret dhe ligjet në fuqi”, ka deklaruar drejtoresha Baçi.
/AlbanianEducation.net/.
