Drejtoresha e Drejtorisë për Arsim, Arbëresha Krasniqi, zhvilloi sot një takim me drejtorët e shkollave të Malishevës, duke i falënderuar për përkushtimin dhe menaxhimin e institucioneve arsimore.
Gjatë takimit u diskutuan sfidat e përditshme, mungesat e paarsyeshme të nxënësve dhe mënyrat për përmirësimin e cilësisë në mësimdhënie.
Krasniqi theksoi rëndësinë e bashkëpunimit për arritjen e objektivave të përbashkëta.
Në përfundim, drejtoresha i uroi shkollat në prag të “Epopesë së UÇK-së” dhe 7 Marsit, Ditës së Mësuesit.
