Drejtoresha e Arsimit në Komunën e Vitisë, Arta Ajeti, ka uruar nxënësit dhe mësimdhënësit të cilët nesër fillojnë gjysmëvjetorin e dytë.
Në mesazhin e saj, drejtoresha Ajeti, ju ka uruar një gjysmëvjetor të mbushur me suksese, produktivitet dhe arritje.
“Ta kujtojmë se çdo ditë në shkollë është një mundësi për të ndërtuar një të ardhme më të ndritur për veten dhe komunitetin tonë”, ka shkruar ndër të tjera drejtoresha Ajeti në Facebook, shkruan AlbanianEducation.net.
Postimi i saj:
Të dashur nxënës, të nderuar prindër, shumë të respektuar mësimdhënës
Nesër më 24.01.2024 hapen dyert e shkollave dhe fillojmë kapitullin e ri të gjysmëvjetorit të dytë.
Dua t’ju uroj një fillim të mbarë dhe plot energji.
Ta kujtojmë se çdo ditë në shkollë është një mundësi për të ndërtuar një të ardhme më të ndritur për veten dhe komunitetin tonë.
Ju uroj një gjysmëvjetor të mbushur me suksese, produktivitet dhe arritje! 📚🎓📝!
Me respekt
Arta Ajeti
Drejtor i Drejtorisë Komunale të Arsimit
