Drejtoresha e Arsimit ne Prishtinë, Jehona Lushaku-Sadriu ka uruar mësimdhënësit për 7 Mars, Diten e Mësuesit, shkruan Albanianeducation.net.
Ajo në mesazhin e saj uron mësimdhënësit me mirënjohje dhe admirim për punën e tyre të palodhur dhe për ndikimin e tyre të çmueshëm për vendin tonë për punën tuaj të palodhur
Postimi i plotë i saj:
Sot, në Ditën e Mësuesit, uroj të gjithë mësuesit tanë me mirënjohje dhe admirim për punën e tyre të palodhur dhe për ndikimin e tyre të çmueshëm për vendin tonë!
Historia jonë është e mbushur me shembuj të mësuesve, që kanë mbajtur gjallë arsimin shqip, por edhe kanë ideuar vizionin e jetësuar një Kosovë të lirë dhe të pavarur. Ata përtej detyrës së tyre mësimdhënës kanë mbajtur gjallë ndjenjën tonë kombëtare dhe shtetërore.
Sot, sfidat janë të mëdha por jo të vështira si dikur. Sfidat e sotme kërkojnë përkushtim të patundur për arsimin dhe vullnet për të zgjidhur problemet në përputhje me standardet ndërkombëtare.
Sot kërkohet vullnet politik që ne të jemi të gatshëm për të investuar në arsim si prioritet e si baza kryesore e zhvillimit dhe përparimit të shoqërisë.
Të urojmë për një të ardhme më të ndritur dhe më të zhvilluar për gjeneratat e ardhshme!
Urime 7 Marsin!
