Ka kohë që institucionet gjegjëse kanë paralajmëruar se vendin e pret dimër i vështirë sa i përket furnizimit me energji elektrike.
Dhe reduktimet e energjisë pritet ta prekin edhe sistemin arsimor në vend, pra të ketë reduktime të energjisë në shkolla, çka do të shkaktojë telashe për ndërrimet e pasdites.
Edhe drejtoresha e Arsimit në Prishtinë, Besianë Musmurati, në një intervistë për Albanian Kids Education (www.kidsofkosova.net) ka paralajmëruar se nëse do të ketë reduktime të energjisë gjatë dimrit pashmangshëm shkollat do të punojnë me orar të shkurtuar.
“Drejt shkurtimit të orëve kemi me shku, siç po thuhet 3-4 orë rresht reduktime, atëherë do jetë problem se shumica e nxemjeve janë me naftë dhe pelet. Ne i kemi blerë 25 gjeneratorë për përmbushjen e shkollave që kanë nevojë më shumë, por edhe nëse është gjeneratori kur ndalet rryma është problem, se si mundet gjerneratori me i qëndru gjithë kërkesës për rrymë”, ka thënë drejtoresha Musmurati për Albanian Kids Education.
