Drejtoresha e Arsimit në Mitrovicë: Populli nuk i ka nënvlerësuar mësimdhënësit asnjëherë, e as në këtë grevë

Drejtoresha e Arsimit, Drita Kadriu ju ka uruar fillim të mbarë shkollor nxënësve.

Kadriu i siguroi se nuk do të mbesin pas me programin mësimor pavarësisht grevës.

Ndërsa për mësimdhënësit ajo theksoi se populli nuk i ka nënvlerësuar asnjëherë, e as në këtë grevë.

Postimi i plotë:

Të dashur nxënës,

Ky vit i sfiduar nga grevat e mësimdhënësve dhe zhvillimet socio-ekonomike të vendit tonë, nuk do t’ju lërë pas me programin mësimor dhe të nxënit, falë përkushtimit të vet mësimdhënësve. Ata e dinë se populli nuk i ka nënvlerësuar asnjëhere, e as në këtë grevë.
Qoftë vit i mbarë për të gjithë!

Me dashuri,

Drita