Drejtoresha e Arsimit në Malishevë, Arbëreshë Krasniqi, sot me rastin e vitit të ri shkollor ka vizituar shkollën “Emin Duraku” në fshatin Dragobil.
Ajo është pritur nga drejtori Arianit Paçarizi dhe mësimdhënësit, ndërsa ka parë nga afër edhe punimet në shkollën e re që po ndërtohet, shkruan AlbanianEducation.net.
Postimi i saj:
Të dashur qytetar të komunës sonë,
Sot po ndaj me ju një emocion të veçantë dhe një ndjenjë kënaqësie nga vizita ime në Dragobil.
Takova drejtorin dhe mësimdhënësit e shkollës së këtij fshati me histori dhe tradita të çmuara, të cilët janë jashtëzakonisht të përkushtuar ndaj punës së tyre!
Gjithashtu, pata nderin të shoh për së afërmi punimet në objektin e ri shkollor, i cili është vërtet për t’u admiruar.
Ky institucion i ri arsimor do të ofrojë arsim dhe arsimim cilësor në ambiente me standarde bashkëkohore!
