Drejtoresha e arsimit në Malishevë i fton punëtorët e arsimit të paraqiten në shkolla

Drejtoresha e Drejtorisë për Arsim dhe Edukim në Komunën e Malishevës, Arbëreshë Krasniqi, i ka njoftuar të gjithë punëtorët në sektorin e arsimit, që duke filluar nga sot, të paraqiten në shkollat e tyre dhe të fillojnë përgatitjet për fillimin e vitit të ri shkollor.

“Mbështetur në kalendarin shkollor 2024-2025, Drejtoria për Arsim dhe Edukim, kërkon nga të gjithë punëtorët e institucioneve shkollore, që duke filluar nga 15.08.2024, të paraqiten në vendet e tyre të punës dhe të bëjnë përgatitjet për fillimin e vitit shkollor 2024-2025”, thuhet në njoftimin e lëshuar nga drejtoresha e Drejtorisë për Arsim dhe Edukim, Arbëreshë Krasniqi.