Ministrja e Arsimit, Arbërie Nagavci, dje me rastin e Ditës së Vajzave bëri një status në Facebook ku tha ndër të tjera se si “Qeveri e Ministri e Arsimit ju kemi në vëmendje si asnjëherë më parë”.
“Le të vazhdojmë të mbështesim dhe të fuqizojmë vazjat tona”, tha ndër të tjera ajo.
Por ndaj këtij postimi të Nagavcit, ka reaguar drejtoresha e Arsimit në Gjakovë, Eranda Kumnova – Baçi, e cila këtë javë u përballë me një situatë jo të lehtë, pasi 20 nxënëse u vetlënduan nga një lojë e nxitur nga ‘Tik Toku’.
Komunova-Baçi thotë se Nagavci e cila poashtu vije nga qyteti i Gjakovës, nuk i ka vizituar e as të paktën nuk i ka bërë asnjë telefonatë për gjendjen e nxënëseve të vetlënduara, shkruan AlbanianEducation.net.
Postimi i drejtoreshës së Arsimit në Gjakovë:
Ministre e Arsimit,
për Ditën e vajzave paska shkruar që: “Si Qeveri dhe Ministri e Arsimit ju kemi në vëmendje si asnjëherë më parë”.
Në cilën vëmendje ministre? Në vëmendjen tënde duhen të ishin prioritet 20 vajza të vetlënduara nga qyteti yt i lindjes? Në vëmendjen tuaj duhet të ishte një vizitë në Gjakovë, një takim me shkollat, krijim i një task force, masa të shpejta, takim me drejtorat e drejtorive për Arsimit të të gjitha komunave..
jo duhej të ishte vëmendja juaj për ditën e vajzave.Sepse në tërë këtë javë jo të mirë për shkollat tona, nga Ministria që udhëhiqni ju nuk kemi marrë asnjë telefonatë, asnjë komunikim dhe asnjë vizitë, kur duhej të ishte temë e përbashkët kjo.
Dhe fjalia juaj ” Le të vazhdojmë të mbështesim dhe fuqizojmë vajzat tona” nuk duhej të ishte fare në postimin tuaj, sepse e keni dhënë provimin tuaj për “mbështetje” këtë javën e fundit!
