Agjencia Shtetërore e Arkivave të Kosovës në bashkëpunim me drejtorinë e Përgjithshme të Arkivave të Shqipërisë dhe Institutin e Trashëgimisë Shpirtërore e Kulturore të Shqiptarëve në Shkup, do të hapin ekspozitën “Dorëshkrimet e Ismail Kadaresë”.
Hapja e kësaj ekspozite bëhet sot (e shtunë) në orën 11:00 në Bibliotekën Kombëtare të Kosovës.
Pak ditë më parë në Shqipëri, në bibliotekën e kryeministrisë, janë ekspozuar për herë të parë për publikun 44.488 faqe, të shkruara nga Ismail Kadare, ku përfshihen romane të pabotuara, poezi dhe skica, që përshkruajnë një jetë krijimi që në moshën 11-vjeçare dhe deri në fund të jetës së tij.
“Dorëshkrimet e Kadaresë” u prezentuan me 21 nëntor edhe në Shkup në kuadër të kremtimit të Ditëve të Alfabetit.
Shkrimtari shqiptar me famë botërore, Ismail Kadare vdiq në moshën 88-vjeçare në korrik të këtij viti.
